Torima Kasih Tuhan

I was reading Bible today and suddenly the Holy Spirit just brought me to thank God for what He has done in my life especially for my people-Rungus-Momogun. and I just started to type all the praises that come out from my mouth.

Momogun bagi Dikau Tuhan

Ikau no Tuhan o sambaon dahai
Ikau no Tuhan o vozoon dahai
Ikau no Tuhan o Kinoringan dahai
Biano sampai salaid laid

Ikau minongolikup di bansa ku
Ikau no minamasi di bansa ku
Tuhan Ikau no o koposizan di bansa ku
Tundao okoi no o Tuhan

Torima kasih Tuhan......
Tu amu pinolingan Nu iti bansa ku
Torima kasih Tuhan.....
Tu kinakat Nu iti bansa ku
Gunao om tundao okoi no bagi di Karajaan Nu

Tuhan Kinoringan Tosundu
Aso vokon o tihimon dahai
Tanid Ko ikau o Tuhan ku
Salaid-laid manamba okoi Dikau

Aso no harapon dahai vokon
Pokiizon okoi bansa vokon
Posikimon bansa vokon dahai
Nga Ikau Kinoringan o minangakat dahai

Pemoto i mato bansa ku i gamaon Nu Tuhan
Peningo i tolingo bansa ku i porintah Nu Tuhan
Pobukao i ginavo bansa ku i ralan Nu
Ikau no o monguba di bansa ku

Bansa dahai Momogun bagi Dikau
Ikau no o monunda bansa dahai
Nunu nopo keingnan Nu suhuton dahai
Amu no pokodou okoi di ginavo dahai iti

Alaid no Tuhan iti bansa ku
Sid siba nopo mato do bansa vokon
Aso no kinavantangn di bansa ku
Nunu nopo mad kekum ikum nga varo

Nga Ikau Tuhan o banalko avantang
Ikau no i minangakat di bansa Ku
Ikau pinemot di bansa dahai dot varo harapan
Ikau pinemot di bansa vokon dot Ikau o Kinoringan dahai
Ikau o pinedu i sooviai kosikiman bansa ku
Ikau o minonindal di bansa ku
Antad sid kosusaan om kutuk do pomogunan

Tuhan mad ko minonunda Ko bansa dot Israel
Yadino Ko no monunda bansa Momogun
Ikau no monguba iti bansa Momogun
Antad sid aso nununu
Yokoi no bansa i modlobi-lobi barakat antad sid Dikau

Agazo o ponorima kasih dahai Tuhan
Tu nandaman om pinili Nu iti bansa dahai
Tu binarakatan Nu iti bansa dahai
Ombo Kekau no mongovit bansa dahai
Nunu nopo kenginan Nu suhuton dahai
Tu Momogun bahagi Dikau songulun Tuhan!


Lord thank You so much for being faithful to Rungus people
Thank You for bringing HOPE for Rungus people
Thank You for bringing SALVATION for Rungus people
WE ARE YOURS LORD!